جاني واحد قال : بسأل كم سؤال وقبل يسأل قلت : أنا ماني خبير

جاني واحد قال : بسأل كم سؤال

وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. بشطرٍ صغير

قال نبدي : وش هو تعريف المُحال ..؟
قلت :
خَل هالكلمه فـ البيت الأخيـر ..!

القهــر : إن شفت دمعـات الرجال
و الوطن : ( إنسان ) .. مِتغيِّر كثير

و الطفل : لعبه على شاطـي الرمال
و الأمل : إحساس في عين الضرير

الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير

و الرجا : لا قلت : للواطـي تعال
و الفشل : مدري !!.. ولكنـه مرير

و الشعر : في وقتنا .. بدر و طلال
زي أوَّل حيـل يعجبنـي جرير ..!

و الغلا : إحساس إلى حَـد الخيال
و العِشِق : لا شفت مَعشُوقِك تطير

و الجفا : إعكس مفاهيم / الوصال
و الوَصِل : يعنـي تأكَّـد فيك خير

و العقل : تِسْفَـه أقاويـل الجهال
و الجهل : إن قلت عن نفسك كبير

و الخطر : لا صار ما عندك مجال
و البلا : إن صرت معدوم الضمير

و العجب : لا صرت تسأل منهو قال
و التعب : إن كنت تِبْحَثْ عن مصير

والغنى : بالنفس ما هو راس مال
و الفقر : من كان .. بـ أعماله فقير

يكفي يكفي .. أسئله إنهي الجدال
ويـ الله علمني عَن .. السِّر الخطير

..

..

..

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ] .. ممنوع العقال
والمصيبه الشعب ما إختار الأمير

وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال

[size=25]ڜي وٍدِّڪ فيه وٍڷا يمڪن يصيرٍ ..[/size]

مشكور كثير موضوع حلو برافو

تسلم الله يخليك ومشكور على تواضعك

الله يسلمك ويخليك

» هذا موضوع جاني عالايميل وحبيت افيدكم فيه
» كل عضو يدخل يسأل نفسه هذا السوال!
» واحد قروي ...ههههههههه
» سؤال لكل الاعضاء
» سؤال لكل الاعضاء