برنامج Advanced Call Manager من الألف للياء

كل واحد فينا أكيد عنده مجموعه اشخاص مش عايز يرد عليهم خالص لما يكلموه و
في ناس تانيه بنبقي نفسنا نرد عليهم بس مشغولين ومش عارفين نرد و كمان في
مكالمات مهمه بنبقي خايفين انها تضيع مننا فبنحتاج نسجلها وفي خواص كتير
كان نفسنا تبقي موجوده في برامج ال blacklist لكن للاسف مش موجوده لكن مع
Advanced Call Manager كل المشاكل دي بقي ليها حل وحل سهل وبسيط وفعال
هنبدأ دلوقتي شرح البرنامج شرح كامل بالصور وكمان في المرفقات رابط مباشر
لتحميل البرنامج
بعد ما تحمل البرنامج وتفك الضغط اللي هو من غير اي password هتلاقي ملفين
اول ملف اسمه ACM_code.sis تنزله علي التليفون بتاعك هتلاقي ايقونه
البرنامج موجوده لما تفتح البرنامج هيقولك انه trail دوس ok وبعدين هات
كلمه register من القائمه ودوس عليها هتلاقي في رقم طلعلك احفظ الرقم ده
أو اكتبه بعدين نخش علي الملف التاني اللي هو ACM_program.sis سطب
البرنامج هيقولك replace دوس ok و بعدين افتح البرنامج ودوس register
واكتب الرقم اللي كان معاك دلوقتي البرنامج بقي كامل و 10/10 وشغال معاك
زي الفل. دلوقتي افتح البرنامج وخليك معايا خطوه خطوه وانا هاشرحلك
المزايا العديده والخفيه اللي في البرنامج.



ده شكل أيقونه البرنامج طبعا انت دلوقتي اكيد عرفتها بعد ما نزلت البرنامج
علي التليفون نضغط عليها وندخل علي البرنامج هنلاقي الصفحه دي



وزي مانت شايف الصفحه فيها عده اختيارات اولهم الاختيار Active Mode
والاختيار ده هو اللي بيحدد احنا عايزين البرنامج يعمل ايه عشان نفهم ندوس
عليه وندخل جواه هنلاقي الصفحه دي



قدامنا دلوقتي 1- Active Mode
2- Hidden callers mode
لما ندوس علي Active mode هنلاقي الصفحه دي و صحصحوا شويه معايا عشان مهمه



الصوره زي ما أحنا شايفين فيها 6 إختيارات لكن المسموح هو أنك تختار اختيار واحد بس
والاختيارات المتاحه هي:
1-Accept all يعني البرنامج هنا بيكون inactive يعني اكنك مش مشغل البرنامج
2- Reject all calls والاختيار ده يخلي تليفونك ميردش علي اي اتصال يجيلك
والبرنامج هيرد بدالك بالطريقه اللي انت هتختارها بعد كده زي ما هنشوف
3- Accept Phonebook والاختيار ده معناه ان اي اتصال هيجيلك من رقم مسجل
عندك في دليل اسماء الهاتف تليفونك هيرن عادي وانت ترد براحتك لكن اي يرقم
يتصل بيك عدا اللي مسجليين في دليل الهاتف البرنامج برضه هو اللي هيتعامل
معاه
4- Reject black list والاختيار ده معناه ان في شويه الرقام بتزعجك وانت
مش عايز تتعامل معاها الاختيار ده بيخلي البرنامج يتعامل مع الارقام دي
لكن اي رقم غيرهم ملهوش دعوه بيه وقدام شويه هنعرف ازاي نعمل الblack list
بتاعتنا
5-Accept white list والاختيار ده معناه اننا بنحدد مجموعه ارقام معينه هي
بس اللي نرد عليها واي رقم تاني ملناش دعوه بيه حتي لو كنا مسجلينه في
دليل الاسماء و طريقه عمل ال white list هنتعلمها قدام شويه
6- Reject all specific والاختيار ده عبقري لأنك من خلاله ممكن تمنع
مكالمات شبكه كامله فأنت مثلا لو حددت للبرنامج انه يرفض استقبال اي رقم
اوله 010 مثلا فانت كده هتمنع اي رقم علي وجه الارض اوله 010 انه يتصل بيك[/center]

بعد كده بيجي الاختيار Hidden Caller mode الجمله دي معناها أزاي البرنامج
هيتعامل مع المكالمات اللي اصحابها ارقامهم مش بتظهر لانهم طبعا شخصيات
جامده وعندهم خدمه ال hidden للرقم بتاعهم هيكون هنا قدامك اختيارين بس زي
مانت شايف في الصوره دي




أما انك تختار Accept بكده بتسمح بان الارقام ال Hidden تتصل بيك يا أما تختار Reject وبكده هتمنعهم من الاتصال بيك

بعد كده عندنا الشاشه دي



الاختيار Default Action ومن الاختيار ده احنا بنحدد للبرنامج يتعامل ازاي
مع المكالمات سواء اللي احنا عايزين نرد عليها أو عايزين نرفضها كالاتي
ادخل جوه الاختيار هتلاقي الشاشه دي:



الشاشه مكتوب فيها Default reject action ندوس علي الاختيار ده هنلاقي الصفحه دي



قدامنا دلوقتي 5 إختيارات هما دول اللي فيهم اللعب كله وهنشرحهم واحد واحد:

1-Send busy tone بالختيار ده يبقي المكالمات اللي البرنامج هيتعامل معاها
هيشغل لاصحبها نغمه مشغول وطبعا الاختيار ده موجود في جميع برامج ال Black
list العاديه وكلنا عارفينه

2-Replay By SMS والاختيار ده بيسمح للبرنامج انه يبعت رساله SMS للرقم
اللي هيتعامل معاه فمثلا لو انت في اجتماع ومش فاضي وعايز لما اخوك يتصل
بيك يعرف انك مثلا خلصت المشوار اللي اتفقتوا عليه اكتب كده في رساله واول
ماهو هايتصل بيك في مده الاجتماع هتتبعتله الرساله دي ويبقي انت كده خلصت
مكالمه من غير ماتتكلم وطبعا الرقم اللي عايز تتبعتله الرساله هتحطه في ال
black list وتحددله انه لما يتصل بيك تتبعتله الرساله دي وطريقه انشاء
الرساله هنوضحها بالتفصيل قدام شويه

3- Divert calls to طبعا كلنا عارفين خاصيه تحويل المكالمات لكن عيبها انك
لما بتشغلها فانت كده بتحول جميع المكالمات الوارده لكن مع الاختيار اللي
قدامنا احنا بنحول المكالمات اللي احنا بنحددها بس وباقي المكالمات
الوارده بنرد عليها عادي

4- Answering Machine والاختيار ده مشابه لاختيار ارسال الرساله لكن لو
انت كمان عايز تعرف اخوك هيقولك ايه يبقي مش هينفع تبعتله رساله بس لازم
تعرف هو كمان هيقولك ايه خلاص مفيش مشاكل بدل اما تعمله تحديد ارسال رساله
اعمل خاصيه المجيب الالي دي وسجله رساله(شويه وهنعرف بنسجلها ازاي) لما
هيتصل بيك تليفونك هيرد عليه اوتوماتيك و يستقبل منه رسالته الصوتيه
ويسجلهالك وانت تسمعها براحتك بعد اجتماعك مايخلص الخاصيه دي طبعا موجوده
كخاصيه البريد الصوتي بس عيبها انها بترد برضه علي جميع المكالمات اللي
هتجيلك لكن مع برنامجنا انت بقي عندك بريد صوتي مخصصص لرقم معين لما يتصل
بيك يسمع و يسجل وباقي الاتصالات ماهش دعوه

5-Mute the ringer وده انا بسميه اختيار مؤدب لما يكون فيه مكالمه انت مش
عايزها وفي نفس الوقت مش عايز تجرح مشاعر اللي بيكلمك و تحسسه انك بتقفل
في وشه السكه الاختيار ده هيريحك ولما صاحبنا يتصل بيك البرنامج هيقفل جرس
التليفون انت مش هتسمع الجرس وهو مش هيتقفل في وشه السكه

بعد كده عندنا طريقه عمل ال black list و ال white list هندخلها من الختيار اللي قدامنا في الصوره دي



لما ندوس علي الاختيار Manage Lists هيتفتح لنا شاشه فاضيه زي دي



مكتوب جواها No list يالا بقي نتعلم أزاي نعمل ال Black list وكمان ال white list
دوس علي الاختيار Lists اللي شمال الشاشه هيفتحلك صفحه زي دي



و تدوس New هيطلب منك انك تكتب اسم ال List فتكتب Black List وعلي فكره مش
شرط ممكن تكتب الاسم اللي انت عايزه ولما تدوس Ok هتلاقي ال List اتعملت
وبنفس الطريقه تعمل ال White list وهيبقوا قدامك زي كده



قدامك دلوقتي الاتنين List بتوعك اكتب فيهم الارقام الليي انت عايزها هنا
وهنا وخلي البرنامج يتعامل معاهم زي ماتحب انا هادي مثال علي رقمين مثلا
وانت طبق زيهم علي ارقامك فصحصح معايا شويه وفوق ادخل علي ال Black List
هتلاقي شاشه فاضيه دوس علي Options اللي في شمال الشاشه هتلاقيه بيقولم
New ولا From Phonebook يعني الرقم اللي عاوز تحطه في ال list رقم جديد
ولا موجود عندك في دليل الهاتف زي الصوره دي



لما بنختار New بتظهر لنا الشاشه دي



أول إختيار فيها هو مكان للاسم لأما ندوس عليه هنلاقي الشاشه اللي هنكتب فيها الاسم زي كده



الاختيار التاني يبقي اختيار كتابه الرقم ولما ندوس عليه هيظهر لنا مكان كتابه الرقم زي كده



والاختيار التالت هو اختيار ايه اللي عايزين البرنامج يعمله لصاحب الرقم هندوس هتظهر لنا الشاشه دي



وطبعا احنا سبق وشرحنا جميع الاختيارات دي و وظيفتها ايه

وبعد كده ماتقفلش دوس Options واختار Save زي مانت شايف في الصوره الجايه



هتلاقي الشاشه دي ظهرتلك وبكده يبقي الرقم اللي انت دخلته البرنامج هيتعامل معاه



أما إذا كان إختيار From Phonebook زي كده



هتظهرلك دلوقتي شاشه فيها دليل الاسماء بتاعك اختار منها الاسم اللي انت
عاوزه ومتنساش بعد ماتختار الاسم انك تحددله طريقه التعامل وكمان متنساش
تدوس Save

نرجع تاني للقائمه الرئيسيه للبرنامج هنلاقي الدور علي الاختيار SMS
Templaes ومن هنا نقدر نكتب الرساله النصيه اللي كنا قلنا انك هتبعتها
لاخوك



و بالضغط علي الاختيار ده هتظهرلك شاشه مكتوب في وسطها No SMS Templates دوس علي كلمه Texts الموجوده شمال الصفحه هتلاقي قدامك.....



أختار كلمه New هيفتحلك شاشه ويطلب منك انك تكتب اسم مختصر لل Template
اكتب مثلا SMS هتلاقيه فتحلك مكان عشان تكتب فيه رسالتك زي كده




اكتب الرساله اللي انت عاوزها وبعدين دوس Options ودوس Save الرساله
هتتخزن وتبقي جاهزه للاستخدام مع اي رقم يتحددله ارسال رساله بالشكل ده



بنرجع تاني للقائمه الرئيسيه نلاقي الدور علي الاختيار Greetings
والاختيار ده خاص بالبريد الصوتي الخاص اللي كنا اتكلمنا عنه قبل كده



لما ندخل جوه الاختيار ده بنلاقي قدامنا شاشه فاضيه لذيذه مكتوب جواها NO Greetings زي كده



نضغط علي كلمه Greetings اللي موجوده شمال الشاشه هتظهرلنا الاشاشه دي.........



هندوس علي Record new علشان نسجل رساله بريد صوتي بصوتنا عشان اللي يتكلم
ترد عليه هيسألك عاوز تسمي الرساله ايه اكتب مثلا Hello و دوس Ok هيبدأ
لبرنامج في تسجيل الرساله الصوتيه اللي بصوتك زي كده



بعد ما سجلت الرساله اللي بصوتك اعملها Save ودلوقتي هي بقت جاهزه عشان
تشتغل اوتوماتيك لما اخوك أو اي حد يعني يتصل بيك هترد عليه بالشكل ده



واحد هيسألني و يقولي طيب دلوقتي المتصل سمع الرساله طيب لما يبدأيتكلم هو
رسالته هتتسجل ازاي هاقلك اصبر علي رزقك وارجعلي تاني للقائمه الرئسيه
هنلاقي قدامنا أخر اختيار وهو Messages



وطبعا لما ندوس عليها هنلاقي قدامنا شاشه زي دي مكتوب فيها No Voice Messages



الشاشه دي هي الي هتقدر توصل عن طريقها الي جمع الرسائل الصوتيه اللي
جاتلك من الارقام اللي انت محددلها فقط خدمه الرسائل الصوتيه زي ما شرحنا
قبل كده

دلوقتي ان خلصت شرح القائمه الرئيسيه دلوقتي فال حاجه صغيره معلش انا عارف اني طولت عليكو بس والله كمان انا تعبت فاستحملوني
دلوقتي وانت علي القامه الريسيه فيه أختيارين يمين و شمال الاختياراليمين
Exit وده معروف الاختيار الشمال هو اختيار ال Menu ولما ندوس عليه هيطلع
لنا العمود ده



أول إختيار فيه وهو Open وده طبعا معرووف وتاني اختيار هو View call log
وده بيفتحلك شاشه المكالمات الوارده و المكالمات المفقوده الخاصه بالهاتف
بعد كده في الاختيار Preferences والاختيار ده خاص بالضبط بتاع البرنامج
من حيث تشغيله في بدايه عمل الجوال من عدمه وايا اختيار ظهور علامه
البرنامج علي الشاشه من عدمه زي ماهنشوف يلا دوس عليه وادخل معايا.....



دلوقتي اول حاجه قدامنا هي Auto run at power on والاختيار ده لو كان علي
on معني كده ان البرنامج هيشتغل اوتوماتيك لوحده مع بدايه تشغيل الهاتف
اما إذا كان off معني كده انك مثلا في حاله اعاده تشغيل الهاتف يجب عليك
تنشيط البرنامج يدويا

تاني حاجه قدامنا هي Show Indictor Icon والاختيار ده بيسمح بوجود علامه
البرنامج اعلي يمين شاشه الهاتف عان تعرف المستخدم ان البرنامج شغال ده
طبعا اذ كان وضعها on اما اذا كان وضعها off العلامه دي مش هتظهر شوف
الصورتين دول ولاحظ الفرق



بعد كده سيب جميع الاختيارات الباقيه علي وضع on لأن ده احسن أداء للبرنامج


انا عارف ان انا طولت عليكم بس ياريت تستفيدوا من الشرح عشان احس اني عملت
حاجه ولو سمحتوا لو واحد قرأ الشرح و معجبهوش يا ريت يقولي علي النقطه دي
عشان اتداركها فيما بعد
ولو في اي استفسار بالنسبه للبرنامج يا ريت متحرمونيش من شرف الاجابه عليكم يا اخواني الاعزاء
والسلام عليكم ورحمه الله و بركاته,,,,,[i]

جاري التجربه ومشكور علي الشرح الجميل

مشكور على الموضوع

مشكور على البرنامج الاروع في المنتدى